XULIO LÓPEZ VARCÁRCEL (Lugo, 1953)
Xulio López Valcárcel é licenciado
en Dereito e Procurador dos Tribunais.
Escritor de relatos, novelas e ensaios, así
como artigos en prensa e radio sobre arte e literatura; con todo, aquí
interésanos por ser un dos mellores poetas en lingua galega. Pertence á
Xeración Poética dos Oitenta.
Autor con numerosos galardones, entre os que
figuran o Premio Nacional de Poesía para menores de 25 anos, o Premio Guimaraes,
en Portugal, o Premio "Celso Emilio Ferreiro" do Concello de Santiago
de Compostela en 1979, o Premio "Antonio Tovar" en Orense, o Premio
Miguel González Garcés (1993), o Premio "Irmandade do libro", outorgado
pola Federación de libreros, (2002) e o Premio da Crítica de poesía galega en
1994 e 2004.
A NAI
A
nai cando era nena
soñaba
veleiros brancos:
interrogaba
o porvir
tecendo
panos e cantos,
(…)
Peíños
descalzos na herba
e
as canelas no orballo,
buscando
o seu rostro nas nubes
ficaba
suspensa en abraio,
pensando
días futuros,
soñaba
veleiros brancos.
Mais
polo ceo sen tempo
dos
seus ollos, leves no leve,
brancos
no Branco,
seguen
a cruzar ténues,
venturosos,
imposíbeis,
aqueles
veleiros leves,
aqueles veleiros
brancos.
POEMA DOS DONS
Gracias quero dar
pola noite e a chuvia
que nos devolven a memoria da nai.
Gracias pola muller que dá forma a beleza,
polo sexo que une
nunha soa carne
dúas soidades,
e polo soño que nos permite
a viaxe á morte
e o regreso.
Gracias polo vento
que nos fai estraños de nós mesmos
e pola pedra
que aspira a soñar
a eternidade.
Gracias quero dar polos nenos
que non coñecen nin a culpa nin a morte,
e pola música,
alma en epifanía transcendida.
Gracias pola luz
que nos devolve o mar
nos ollos da amada
e polo aire vivificante e saudabel.
Gracias pola beleza que nos enche e acovarda
e polo mencer
que nos ofrece a ilusión
da primeira vez.
Gracias pola xuventude
e polos sentidos
polo loureiro e o trigo.
Gracias polo viño, que nos sume
nun transo indoloro,
pola herba, máis tenaz que o tempo.
e pola arte
que nos transcende e sobrevive.
Gracias quero dar
polos días que compartes comigo,
pola caricia e polo beixo.
Gracias polo mar, absoluto e poderoso.
Gracias polo silencio e polo verso.
No hay comentarios:
Publicar un comentario