ROSALÍA
DE CASTRO
(Santiago de Compostela, 1837-Padrón, A Coruña, 1885)
É a máxima representante da poesía galega. Na súa obra aparece reflectida toda
a natureza, sociedade e inxustiza sufrida polos habitantes de Galicia, ademais
de transmitir os seus propios estados anímicos.
Da súa obra Cantares galegos escollemos os seguintes poema:
PASENIÑO, PASENIÑO
Paseniño,
paseniño
vou pola tarde calada
de Bastabales camiño.
Camiño do meu contento;
i en tanto o sol non se esconde
nunha pedriña me sento.
E sentada estou mirando
como a lua vai saíndo,
como o sol se vai deitando.
Cal se deita, cal se esconde
mentras tanto corre a lúa
sin saberse para donde.
Para donde vai tan soia
sin que aos tristes que a miramos
nin nos fale nin nos oia.
Que si oira e nos falara,
moitas cousas lle dixera,
moitas cousas lle contara.
¡PRA Á HABANA!
Vendéronlle os bois,
vendéronlle as vacas,
o pote do caldo
i a manta da cama.
Véndéronlle o carro
i as leiras que tiña,
deixárono soio,
coa roupa vestida.
«María, eu son mozo,
pedir non me é dado,
eu vou polo mundo
pra ver de ganalo.
Galicia está probe,
i á Habana me vou...
¡Adios, adios, prendas
do meu corazón!»
CASTELLANOS DE CASTILLA (fragmento)
Castellanos de Castilla,
tratade ben ós gallegos;
cando van, van como rosas;
cando vén, vén como negros.
Cando foi, iba sorrindo;
cando veu, viña morrendo;
a luciña dos meus ollos,
o amantiño do meu peito.
….
Foi a Castilla por pan,
e saramagos lle deron;
déronlle fel por bebida,
peniñas por alimento.
Déronlle, en fin, canto amargo
ten a vida no seu seo...
¡Castellanos, castellanos,
tendes corazón de ferro!
No hay comentarios:
Publicar un comentario