DIANA VARELA PUÑAL
(Corme, A Coruña, España, 1981)
Autora
de teatro, novela e poesía, esta
avogada e escritora afiánzase no panorama
literario galego. Foi galardoada cunha serie de premios nos diferentes xéneros
literarios nos que escribe. Os seus poemas son elegantes, próximos e, nalgúns
casos, rotundos, como o primeiro que presentamos.
EMIGRANTES
Na grisalla húmida dun setembro,
á volta da escola,
os bisavós calados, na cociña;
ninguén explicara aquela intromisión,
aquelas roupas enriba da cama,
aquela tristura dos seus ollos,
nos meus, a desconfianza.
Ó meu bisavó
gustábanlle as laranxas
e xiringábame zume ó partilas.
Ó pasear cantaruxaba sen abrir a boca,
marcando o ritmo coas mans,
e arrastrando os pés.
Meu bisavó era músico
e emigrara dúas veces:
a primeira vez, de mozo,
chegou a América,
a segunda vez, de vello,
á nosa casa.
CANTO Ó HOME
Que nunca
falte o home que refresque
a mañá con
loureiro de ramos
e sosteña a
mirada firme da muller que ama,
que eu,
muller, agradezo o home.
Ríndome á
música impregnada entre as sabas
e ós bicos de
froitas antes de ir ó traballo,
ríndome ó
espertar poderoso do home,
ó peito
dourado e á voz grave.
Por ti, a
beleza da luz e da auga,
da primavera e
da xuventude,
da risa e da
calma.
A ofrenda dos
meus días,
as miñas
palabras.
No hay comentarios:
Publicar un comentario